Your Vertebrae

I want to know how many scars you have
and memorize the shape of your tongue
I want to climb the curve of your lower back
and count your vertebrae .. your ribs .. your fingers .. your goosebumps.
I want to chart the topography of your anatomy
and be fluent in your body language
I want you, entire.

اللهم إني صائم

مع بداية شهر رمضان كل عام، تزداد صور التدين الظاهري في مصر، فتجد معظم الصائمين يرددون بعض الجمل المرتبطة بشهر رمضان : "اللهم اني صائم" ، "أستغفر الله العظيم" ، "متخلنيش أفطر عليك (ومشتقاتها)"

يردد الصائمون هذه الجمل بدون تفكير لدرجة تجعلها الجمل اﻷكثر ترديدا طوال هذا الشهر مما يفقد معناها!

أفهم مثلاً ان واحد ممكن يقول "اللهم اني صائم" لو وقع في موقف خلاه - أو هيخليه - يعمل حاجة "غلط" ، لما نفكر في معناها هنلاقيه انه مناجاة لله وتذكير للنفس - مش ﻷي حد تاني - بالصوم ، بالتالي لمّا يقولها، المفروض يقولها في سرّه.

اللي مافهموش بقي انه يحاول يفكر كل الناس اللي حواليه بانه صايم .. مع كل صغيرة وصغيرة.

اللي مافهموش - وماقبلوش - انه في سبيل انه يفكر اللي حواليه .. يضايقهم ..
مجرد ما يشوف واحدة .. ينتفض صارخا : "أستغفر الله العظيم" .. "اللهم اني صائم" وكأنه شاف الشيطان ذاته .. الموضوع لا يرتبط بالفئة العمرية ولا الحالة الاجتماعية ولا الحالة اﻷخلاقية .. هتلاقي مراهقين وشباب ورجال .. ناس شكلهم يوحي بانهم "مهذبين"، آخرين بغير ذلك .. هتسمعها في العشوائيات والمناطق الشعبية واﻷحياء الراقية .. مع اختلاف النسب طبعاً .. هتشوفها بكذا طريقة العامل المشترك فيهم هو نظرة الاحتقار المصحوبة بترديد جملة "أستغفر الله العظيم" أو "اللهم اني صائم" أو الاتنين مع بعض بصوت عالي .. الموضوع لا يعتمد علي هيئة البنت أو لبسها .. البنت ممكن تكون لابسة عادي .. ماشية حاطة وشها في اﻷرض .. طبعا الموضوع بيزيد بشكل كبير جدا مع غير المحجبات.

الكارثة بقي .. انك ممكن تسمعها بعد الفطار .. ممكن تتغير ل "اللهم اني كنت صائم" .. خلاص الموضوع أصبح سلوك .. عادة .. اللي بيخليه يعملها قبل الفطار .. هيعملها بعد الفطار ..
اﻷدهي .. انك ممكن تسمعها من واحد فاطر .. لمجرد انه شاف الناس بتعملها .. ترسخ لديه ان ده حق مكتسب .. انه يضايق البنات ويحسسهم انهم شياطين .. طريقة جديدة للتحرش.

لازم يفهم انه مش صائم لحد .. ومفيش حد هيفيده أو يضره شئ كونه صائم أو ﻻ .. لازم زي ما بيصوم يغض البصر .. ويعمل كده ما بينه وما بين نفسه من غير ما يوصل للي قدامه انه شيطان بيحاربه .. لازم يحترم خصوصية غيره .. مايقرفش الناس في عيشتهم عشان هو صائم ..

الموضوع ليه أسباب كتير بس أهمها هو نظرة الرجل للمرأة في مجتمعنا المصري .. لازم "الرجّالة" في المجتمع ده تبطّل تفكّر في الستات علي انهم كائنات مكانها السرير فقط .. لازم تبطّل تفكر انهم عبارة عن عورات خلقت عشان تفتنه ..

نقطة مهمة:
عشان تشوف الحاجات دي .. لازم تكون بتمشي في أحياء شعبية .. بتنزل عشوائيات .. بتمشي في أماكن زحمة .. عايش في مصر فعلاً .. فياريت متجيش تقوللي الكلام ده مابيحصلش وانت أساساً مش بتعمل أي حاجة من الكلام ده!
سلام.